Китепканалар күнү

Кыргыз Республикасынын өкмөтү 2008-жылы өлкөнүн билим берүү, илим, маданият жана маалымат багыттарында китепканалардын олуттуу ордун белгилөө максатында 27-майды Китепканалар күнү деп жарыялаган. Бул күн Кыргызстанда 1902-жылдын 27-май күнү алгачкы коомдук китепкананын ачылыш салтанатына тушташ белгиленет.

Кыргыз Республикасында 1041 китепкана иштеп, анда 2,5 миң чамалуу кызматкер эмгектенет. Китепкана кызматы менен жыл сайын өлкөнүн 1 миллиондой окурманы колдонот. Өлкө китепканаларында 19 миллиондой китеп сакталып, алардын 79% орусча, 19% кыргызча жана 2% дүйнөнүн башка тилдеринде жарык көргөн эмгектер.

Муратбек Кожобеков, «Азаттык», 27.05.2010-ж.

Соц тармактар:

Добавить комментарий