Таш-кордо

Таш кордо

Керектелүүчү азыктар:

— Жаңы союлган малдын эти, коноктордун санына жараша колдонулат.

— Татымалдарды ( туз, мурч) табитиңизге жараша пайдаланыңыз.

5 адамга даярдасаңыз төмөндөгүдөй:
— 3 кг жаңы этти татымына жараша татымалдардан кошуп, 5-6 тиш сарымсак, бир боо аш көк. 5-6 лавр жалбырагы салынат. Эске сала кетчү жагдай: май, суу колдонулбайт.

Даярдоо ыкмасы:

— Малды таза союп алып, карынды тазалап жууп, коё турасыз.

— Сөөктөрүн сындырбай жигинен бөлүп алыш керек. Болбосо сынык сөөк карынды тешип кетиши мүмкүн.

— Булчуң (калың) эттерин тилип жукартып коюу талапка ылайык.

— Тузду жукалап сээп, болсо ар кандай татымдардан кошуп коет.

— Тоодо болуп калсаңыз көбүргөн менен сарымсак аралаштырсаңыз да болот.
— Андан кийин карындын оозун түйүп же тигип койсо болот.

— Эми от жагыш үчүн атайын жерди оюп, карынга ылайыктап даярдап алат. Ал жерге кум төгүп коет.

— Кумдун үстүнө карынды коердон мурда аны уйгактын чоң жалбырактары менен тегиз ороп алат.

— Даярдалган орунга карынды коюп, үстүнө дагы кумдан сээп, топурак менен жаап койгондон кийин 4-5 саат отту тындырбай жагып турат.

Тамагыңыз таттуу болсун!

 

Таш кордо тууралуу макалалар

Тамшандырган «Таш кордону» даярдаган Раимбек Жусупбеков: «Көпчүлүк менин колумдан жасалган таш кордону жеп жүрүшөт»

 

Соц тармактар:

Добавить комментарий