Аркак

«Эришке жараша аркагы»
(Макал)

Бул өрмөк согууда эриштин (эркеги үстүңкү жиптери) менен ургаачысынын (астыңкы жиптери) ортосунда каршы- терши жүрө турган жоон шоона. Аркак эриштен тез өтүп турушу үчүн ал, адатта, сүйрүлөнө түрүлөт. Өрмөктүн «адыргы» менен «кылычы» жана «үч марасы» (үч буттуу жыгачы) өрмөктү өйдө көтөргөндө, мунун күзүгүнүн бирөө өйдө чыгып, бирөө ылдый түшүп турат. Бул экөөнү айрып турган чыйратуусу келишкен «тизгин» деген жиби бар. Ал согуп жаткан жакты жазы, ичке кылбай, бир калыпта алып турат.

Акматалиев Амантур Сейтаалы уулу, «Кыргыздын кол өнөрчүлүгү»

Соц тармактар:

Добавить комментарий