Сулайман Рысбаев. «Айгерим менен күзгү»

(аңгеме)

Колунда таттуу шоколады бар Айгерим күзгүнүн жанынан өтүп баратып, күзгүдөн өзүн көрдү да: «Эй, карачы, менин шоколадым бар, атам апкелди…»-деп мактанды. Арадан беш мүнөт өтпөй, шоколадын жеди да, кайрадан күзгүгө келди. Ал күзгүдөн бети-колу ботала-шатала болгон «тентек кызды» көрдү. Анан ал апасын чакырып:

— Апа, карачы, мобу кыздын бети-колу бүт ботала экен.. Мен андай эмесмин ээ…–деди. Апасы аны көрүп күлдү да:

— Көрдүңбү, бети-колунду жууп жүрбөсөң, сен дагы ошондой тентек кыз болуп каласың,-деп, бети-колун жуундурду. Бети-колу таза болуп калган Айгерим эми мактанайын деди да, кайрадан күзгүгө келди. Күзгүгө келсе — «баягы кыз» дагы бети-колун эчак жуунуп, супсулуу болуп алыптыр бир заматта… Айгерим бир саам таң кала карап калды.

— Апа, бул кыз дагы менчилеп бети-колун жууп алыптыр мени туурап, карасаң: «Кой, Айгеримдей болуп мен дагы жуунуп, таза, сулуу кыз болоюн — деген го э» — деди, өзүн өзү мактап.

 

Sulayman RysbaevС.Рысбаевдин башка чыгармалары

 

Соц тармактар:

Сулайман Рысбаев. «Айгерим менен күзгү»: 1 комментарий

Добавить комментарий