Адабий сын макалаларга сынак

Адабий көчтү козгойлу, урматтуу, калемгерлер! Сын айтылбаган адабий турмушта өсүш болбостугу баарыга маалым. Сын бул – акын-жазуучуларды гана өстүрбөйт, ириде, жалпы окурмандардын көркөм табитин тарбиялоодо да түздөн-түз таасирин тийгизет. Сын айтуу жана аны кабыл алуу маданиятыбызды өстүрөр кезең келди…

Конкурстун максаты – адабияттын салттуу жолун калыптандыруу.

Чакан конкурсубуздун мүмкүнчүлүгү жана шарты:

Байге фондубуз – 50 000 (элүү миң) сом.

1-байге – 20 000 (жыйырма миң) сом.

2-байге – 15 000 (он беш миң) сом.

3-байге – 10 000 (он миң) сом.

О.э. кызыктыруучу эки байгеге 2 500 миң сомдон – 5 000 миң сом тапшырылат.

 

Конкурстун Жобосу:
  • Сынакка катышууну каалаган авторлордун жаш курагы чектелбейт. Мурда эч жерде жарыяланбаган гана сын макалалар, рецензиялар жана адабий изилдөөлөр кабыл алынат.
  • Материалдардын көлөмү 8 барактан ашпоого тийиш.
  • Конкурс жыйынтыгы чыгарылган мөөнөткө чейин калыстар курамы менен конкурстанттардын аты-жөндөрүн коомчулукка жарыялабайбыз.
  • Конкурстук материалдар ушул жылдын 10-декабрына чейин кабыл алынат. Ал эми жыйынтыгы 12-декабрь, Кыргыз адабиятынын күнүнө карата жарыяланат. О.э. конкурстун жеңүүчүлөрү менен калыстар курамы коомчулукка тааныштырылат.
  • Конкурстук материалдарды oljobai.shakir@mail.ru дарегине жөнөтө аласыздар!

Аталган конкурстун демөөрчүсү – жеке ишкер, «РухЭш» сайтынын башкы менеджери Урматбек ЖАКШЫМБЕТОВ.

Эскертүү: агер демөөрчү табылып калса, байге фондубузду көтөрөбүз жана байге орундардын суммасы кошулат. Бул туурасында кошумча маалыматыбызды жарыялайбыз.

РухЭш

Соц тармактар:

Добавить комментарий